Desde Fene no "Día Internacional contra a Violencia de Xénero"

sábado, 17 de novembro de 2007

Desde Fene no "Día Internacional contra a Violencia de Xénero"

Estimada amiga:

A data do 25 de Novembro vai aproximándose, e dende o Concello de Fene queremos invitarte aos actos que con motivo do "Día Internacional contra a Violencia de Xénero" imos a organizar.

Dende o Servizo Municipal de Atención á Muller dos Servizos Sociais de Fene, a través do Punto de Información ás Mulleres e Promoción da Igualdade, imos impartir un Obradoiro de TAISHINDÓ: Defensa Persoal Feminina.

Cantas de nos tiveramos experiencias desagradábeis e lamentaramos non ser fortes psíquica e fisicamente, non ter capacidade de reacción, quedar “bloqueadas” ou non poder defendernos ante o ataque doutra persoa que consideramos máis forte que nos ou que abusa da súa forza física para facernos dano, humillarnos, golpearnos, roubarnos, agredirnos...

É por iso polo que te invitamos a participar no Obradoiro de Defensa Persoal Feminina que terá lugar o vindeiro venres, 23 de novembro de 2007, de 16:30 h. a 19:30 h. no Pavillón Polideportivo A Xunqueira de San Valentín.

Pasaremos un rato divertido e aprenderemos moitas cousas. Se estás interesada, ponte en contacto coa Psicóloga dos Servizos Sociais Municipais para inscribirte ou acadar máis información:

Teléfonos 981 49 27 06 e 981 34 26 07.

Enderezo electrónico: pim@fene.dicoruna.es

Av. Naturais, 44 – Entresollado

É unha actividade totalmente gratuíta, financiada pola Vicepresidencia da Igualdade e do Benestar da Xunta de Galiza.

Aproveito tamén para invitarte o Día Internacional Contra a Violencia de Xénero, o Domingo 25 de novembro, as actividades que se desenvolverán por todo o Feirón de Perlío (Fene) na Av. Marqués de Figueroa a partir das 11:30 horas.

Agradezo de antemán que pases esta información ás persoas que coñezas e poidan estar interesadas.

En Fene a 14 de novembro de 2007.

Un saúdo:

Asdo.: Eva Sayago Martínez
Psicóloga – Servizo Municipal de Atención á Muller Servizos Sociais – Concello de Fene
_____________

Nenhum comentário:

Postar um comentário

O Blog da Coordenadora Local

Este 8 de Março de 2007, nasce um novo sítio na rede, este é um Blog da Coordenadora Local de Ferrol - Terra, da Marcha Mundial das Mulheres na Galiza, que pretende ser um lugar de encontro, da luita feminista em Ferrol e nos demais concelhos de Trasancos e do resto das comarcas do noroeste galego.

Este sítio en internet, pretende ser um lugar onde todas podamos escrever, sugerir, opinar, informar, convocar, denunciar, organizar, estudar, aprender, ... tudo no caminho da luita feminista para conseguir umha sociedade sem patriarcado, sem violência, sem pobreza, igualitária, diversa e justa.

Participa escrevendo ao correio-e:

marchagaliza.ferrol@gmail.com

Coordenadora Local de Ferrol - Terra
da Marcha Mundial das Mulheres na Galiza
FENE [Ferrol-Terra]:
Escola Fonte do Campo S/N
15500 Fene - Galiza

Telfs 652201003 - 667685430 - 696732735

Respeita-me as minhas diferenças, os meus desejos, a minha sexualidade, a minha história, a minha capacidade de decidir, de pensar, de trabalhar, de gozar; de decidir sobre a minha vida , a minha sexualidade, as minhas amizades, os meus estudos, o meu trabalho; sem imposiçons, sem maus tratos, sem discriminaçons, sem violência, sem estereótipos, sem sexismo, sem machismo,...

O papel que están a xogar internet e as novas ferramentas dixitais no movemento feminista

Montserrat Boix
Entrevista em "A Nosa Terra"
6-12 de Abril 2006
http://www.anosaterra.com

‘Nas zonas onde a conexión á internet é difícil, as mulleres levan a peor parte'

Xornalista especializada no mundo árabe, Montserrat Boix é a fundadora de Mulleres en rede (www.mujeresenred.net), unha malla de comunicación alternativa a través de internet sobre contidos de xénero, que aglutina a máis de 5.000 mulleres e colectivos. Ademais é coordinadora do grupo Internet e Xénero, nacido no seo de Nodo50 e vén de recibir o premio do Observatorio de Violencia de Xénero. O pasado mes de marzo foi unha das relatoras do ciclo organizado en Vigo polo Seminario de Investigación, Feminismo e Resistencia (teorías e prácticas).

O nacemento da Marcha Mundial das Mulleres no ano 2000, 85.000 mulleres afroamericanas organizadas en.. son dous exemplos do uso que as mulleres fixeron da rede. Que papel están a xogar internet e as novas ferramentas dixitais no movemento feminista?

As mulleres estamos a aprender dos grupos antiglobalización, que son a vangarda dentro dos movementos sociais. O primeiro referente dun uso interesante da rede foi Chiapas. Moi pouca xente conectada a internet conseguiu que boa parte da poboación coñecera a problemática zapatista. Cómpre destacar tamén os indymedia, que, como zona aberta, permitían a posibilidade de que calquera persoa puidese colgar o seu punto de vista e construír periódicos dixitais. As mulleres aprendemos de todo isto. O primeiro referente na relación entre novas tecnoloxías e mulleres foi o Cumio de Pekín, en 1995. Despois veu a Marcha Mundial das Mulleres no 2000. En moitos países evidenciouse a brecha dixital entre as diferentes xeracións de mulleres feministas. Mentres as mais novas estaban conectadas, as que tiñan máis anos de experiencia non o facían. Coido que isto provocou que a Marcha fose moito menos política do que puido ser.

Centráronse na pobreza e a violencia contra as mulleres deixando fóra outros puntos polos que tamén había que pelexar. Houbo moito activismo pero faltou reflexión. A lectura que debemos facer é que as organizacións teñen que incorporar ás mulleres referentes do movemento feminista ao uso das novas tecnoloxías.

Como foi mudando o feminismo coas novas tecnoloxías?

As novas tecnoloxías ofrecen a posibilidade de participar de xeito diferente, permitindo un activismo moito máis individual. Axudou tamén a poder reaccionar de xeito inmediato, o que significa ter moita máis capacidade para poder intervir na política, no concepto amplo de poder cambiar as cousas. Desaparecen as fronteiras físicas, axuda a integración das mulleres do campo e as da cidade. Todo isto está a provocar que mude, non só para as mulleres, o panorama político internacional. En Galiza evidenciouse, por exemplo, coas campañas organizadas dende Nunca Máis. A pesar de todo, existen mulleres que teñen moitas reticencias á hora de coller un ordenador, coido que pola educación que recibiron. Parece que a tecnoloxía e a ciencia son unha cousa máis masculina. Hai moitos fogares onde os ordenadores están a ser empregados polos homes e polos fillos. E iso é un problema que as administracións teñen que afrontar.

Blog da Coordenadora Local de Ferrol - Terra

sábado, 17 de novembro de 2007